حالیہ عام انتخابات میں مسلم لیگ (ن) کے قائد میاں نواز شریف کو این اے 15 مانسہرہ میں شکست کا سامنا کرنا پڑا۔
گزشتہ روز ہونے والے عام انتخابات میں ووٹنگ کا عمل مکمل ہونے کے بعد قومی اسمبلی کے حلقہ این اے 15 مانسہرہ کے نتائج کا اعلان کر دیا گیا ہے۔
غیر حتمی غیر سرکاری نتائج کے مطابق این اے 15 مانسہرہ تورغر سے پی ٹی آئی کے حمایت یافتہ آزاد امیدوار شہزادہ محمد گستاخ خان کامیاب ہو گئے ہیں۔
پی ٹی آئی کے حمایت یافتہ شہزادہ محمد گستاسب خان نے 105,249 ووٹ حاصل کیے جب کہ نواز شریف نے 80,382 ووٹ حاصل کیے۔
یہ امر اہم ہے کہ میاں نواز شریف نے لاہور میں قومی اسمبلی کے حلقہ این اے 130 میں اپنی مخالف امیدوار یاسمین راشد کو شکست دے کر کامیابی حاصل کی ہے۔