پاکستان سپر لیگ (پی ایس ایل) کے 9ویں سیزن کا آغاز 17 فروری کو قذافی اسٹیڈیم لاہور میں ہوگا۔ ایونٹ کی تیاریاں زوروں پر ہیں اور غیر ملکی کھلاڑیوں کی آمد بھی شروع ہو گئی ہے۔
افتتاحی تقریب میں پاکستان کے نامور گلوکار عارف لوہار، علی ظفر، آئمہ بیگ اور نوری کی پرفارمنس پیش کی جائے گی جو شام 6:30 بجے شروع ہوگی۔ تقریب میں قلندرز اور اسلام آباد یونائیٹڈ کے درمیان میچ کے علاوہ لیزر شو اور آتش بازی کا مظاہرہ بھی ہوگا۔
سیزن 9 کا ترانہ، جو علی ظفر اور آئمہ بیگ نے پیش کیا تھا، حال ہی میں ریلیز کیا گیا تھا اور اس نے شائقین کرکٹ کی توجہ حاصل کی تھی۔