کراچی میں آشوب چشم کی وبا تیزی سے پھیل رہی ہے۔ اس سے بچاؤ کے لیے احتیاطی تدابیر کیسے اختیار کی جا سکتی ہیں؟

کراچی میں آشوب چشم میں تیزی سے اضافہ ہورہا ہے۔ ماہرین امراض چشم کے مطابق شہر میں آشوب چشم کے زیادہ کیسز رپورٹ ہو رہے ہیں۔

ماہرین نے بتایا کہ ہسپتالوں میں روزانہ سینکڑوں کی تعداد میں آشوب چشم کے مریض آ رہے ہیں جن سے بچاؤ بہت آسان ہے۔

ماہرین کے مطابق اس مرض سے بچنے کے لیے صفائی کا خاص خیال رکھیں، ہاتھ ملانے اور گلے ملنے سے گریز کریں، اس کے ساتھ متاثرہ شخص کو اپنا تولیہ، تکیہ، صابن الگ سے رکھنا چاہیے۔

ماہرین مزید مشورہ دیتے ہیں کہ آنکھوں کے پانی کو ٹشو یا ململ کے نرم کپڑے سے صاف کریں اور استعمال شدہ کپڑے اور ٹشو کو فوری طور پر ٹھکانے لگائیں۔